Ärmänstannan Äliyevkä cawap
Ärmänstan Parlamentınıñ saqlanu häm iminlek daimi komissiyäse başlığı Andranik Koçaryan Azärbaycan İlbaşı İlham Äliyevneñ ike il arasında aradaşçı bulmıyça tınıçlıq kileşüenä qul quyu täq’dimeneñ qızıqlı buluın belderde
2088014
Andranik Koçaryan matbuğat wäkillärenä belderüendä: “Bu häm bezneñ häm dä alar öçen bik qızıqlı täq’dim, çönki ber-berebez belän söyläşä aluıbız kiräk”, - dip äytte.
Äliyevneñ garant illärgä ixtıyac bulmawı süzlärenä iğ’tibarnı yünältüçe Koçaryan: “Bügenge könebezneñ çınbarlığın nığıtu öçen utnı tuqtatunıñ bozılmawı kileşüen (2020) qullansaq ta xätta garantiya bulır”, - dide.
Azärbaycan liderı İlham Äliyev monnan aldağı könne Ärmänstan belän tınıçlıq kileşüe öçen garant illärgä ixtıyac kürmäwen belderep: “Bu ike bäysez ilneñ qul quyaçaq tınıçlıq kileşüe bulaçaq”, - digän ide.
