Ğazzädä soñğı wazğıyät'

İzrailneñ Ğazzä sızığına höcümnärendä ğomere özelgän fälästinlelär sanı 23 meñ 469ğa citte.

Cirle çığanaqlardan alınğan mäğlümatqa kürä İzrail xärbi oçqıçları Xan Yunısnıñ könbatışındağı Äl-Muasker töbägendä Äbu Namus ğailäseneñ öyenä hawadan höcüm oyıştırdı.

Höcümdä 7 keşe yaqtı dön’yadan kitte, aralarında xatın-qız häm balalar da bulğan 25 keşe yaralandı.

İzrail xärbi oçqıçları Räfax şähäreneñ tön’yağındağı ber öy häm yortsız qaluçılar yäşägän urınğa oyıştırğan hawadan höcümdä dä 5 keşe ülde, şaqtıy keşe yaralandı.

İzrail artilleriya berlekläreneñ Räfaxnıñ tön’yaq-könçığışındağı Äs-Sävabite töbägen maqsat itep aluı näticäsendä dä şaqtıy keşeneñ yaralanuı belderelde.