"Bez - Awrupanıň iň zur iq’tisadı"
Putin il iq'tisadın şundıy süzlär belän bäyäläde
2087366
Rusiya Federaŝiyäse däwlät başlığı Vladimir Putin Xabarovsk şähärendä uzğan cıyılışta çığış yasadı.
Ul üz çığışında il iq’tisadına bäyä birde.
Putin Rusiya Üzäk bankınıň proŝent stavkasın waqıt uzu belän kimetäçägenä ışanuın belderep, çit illärneň Rusiyägä basım yasawın assızıqladı.
”Bezne törle yaqlap buarğa tırışalar häm bezgä basım yasala. Läkin bez - Awrupanıň iň zur iq’tisadı. Bez Germaniyäne uzıp kitep dön’yada bişençe urınğa kütäreldek. Qıtay, AQŞ, Hindstan, Yaponiya häm Rusiya. Bez Awrupada – berençe”,- dide Vladimir Putin.
Ul Rusiyäneň satıp alu köçe paritetı yağınnan böten Awrupanı uzıp kitüen belderep, can başına milli kerem yağınnan isä êşlärgä kiräklegen dä äytte.
