Peskov Rusiyägä höcümnär turında söyläde

Kreml’ süzçese Dmitriy Peskov üz territoriyälärenä qarata höcümnärneñ Könbatış illärendä çığarılğan qorallar belän başqarıluın äytte. Ul başqala Mäskäwdä belderülär yasap, Ukraina armiyäseneñ Belgorod şähärenä höcümnäre xaqında söyläde.

“Bu Kiyev idaräse xärbi êlementlarğa tügel, grajdanlılarğa atu, şähär üzägenä höcüm itep kassetalı bomba qullanudan tayçınmawı öçen mömkin buldı. Şähär üzägendä xärbi êlementlar yuq. Älbättä armiyäbez bu yanawnı başta kimetü, soñınnan tulısınça yuqqa çığaru öçen qulınnan kilgänne êşläyäçäk. Monıñ öçen maxsus xärbi operaśiya däwam itä,”-dide Peskov.

Süzçe Rusiyä cirlärenä töşkän yädrälärneñ kilep çığışı turında da mäğ’lümat citkerde.

“Cirlärebezgä, grajdanlılarğa, Yaña yıl aldınnan Belgorod şähäreneñ üzägenä höcümnär Germaniya, Franśiya, İtaliya, AQŞ häm başqa illärdä citeşterelgän artilleriya snaryadları häm raketalar belän yasala. Monı onıtmasqa kiräk”,-dide ul.