Yaponiyada cir teträwlärdä ülüçelär kübäyde
Wäqalätlelär ğıynvar ayınıñ berençe könnärendä bulğan tabiğıy afättäge soñğı sannarnı citkerde
Yaponiyäneñ könbatışındağı İsikava töbägendä häm şul regiondağı Noto yarımutrawında bulğan cir teträwlärdä ğomere özelüçelärneñ sanı 168gä citte. 323 keşe isä xäbärsez yuğaldı.
“NHK” agentlığınıñ xäbärenä qarağanda, wäqalätlelär ğıynvar ayınıñ berençe könnärendä bulğan tabiğıy afät belän bäyle belderü yasadı. Cir teträw bulğan cirleklärdä köçle qar yawu säbäple zıyan kürgän binalarnıñ cimerelä aluı turında kisätälär.
Yaponiyä meteorologiyä agentlığı xalıqnı transport sistemalarındağı özekleklär, êlektr çıbıqları häm ağaçlardağı bäslär nisbätennän kilep çığarğa mömkin küñelsezleklärdän saqlanırğa çaqırdı.
İsegezgä töşeräbez, 1nçe, 2nçe, 3nçe häm 4nçe ğıynvarda İsikavanıñ Noto yarımutrawı häm sulıqlarında 4 belän 7 ball arasında cir teträwlär buldı.