Blinken Yaqın Könçığış säfärendä

Qatar tışqı êşlär ministrı Möxämmät bin Abdurraxman Al Sani Ğazzäneñ Fälästin cirläreneñ ber öleşe buluın häm fälästinlelär idarä itärgä tiyeşlegen belderde. Ul Yaqın Könçığış säfäre qısalarında başqala Doxağa kilgän AQŞ däwlät särqatibe Êntoni Blinken belän matbuğat oçraşuı uzdırdı.

Al Sani jurnalistlarğa “Xamas” belän İzrail arasında söyläşü prośessınıñ däwam itüen, tik qayber qıyınlıqlar çığuın citkerde. “Xamas”nıñ yuğarı wäqalätlelärennän berseneñ üterelüe (süz oyışmanıñ säyäsi byurosı räise urınbasarı Salix äl-Aruri turında bara) bu qatlawlı prośessqa yoğıntı yasarğa mömkin”,-dide ul.

Qatar ministrı, qarşılıqlarğa qaramastan, söyläşülärneñ däwam itüen häm iñ yaqın çorda Ğazzädä utnı tuqtatu, yärdämnärneñ kerüen arttıru häm äsirlärne irekkä çığaru öçen kileşü tözergä tırışuların belderde. Ul Ğazzäneñ Fälästin idaräse astında bulırğa tiyeşlegen häm biredä barı fälästinlelärneñ qarar çığaru xoquqına iyä buluın assızıqladı.

Yaqın Könçığışqa säfäre qısalarında Törkiyä häm Yordaniyädän soñ Qatarğa barğan Blinkennıñ programmasında Berläşkän Ğaräp Ämirlekläre, Soğud Ğaräbstanı, İzrail, Misır häm Yordannıñ Könbatış yarı da bar.