Yaponiyada cir teträwdä ülüçelärneñ sanı arttı

Yaponiyäneñ İsikava töbägendä häm şul regiondağı Noto yarımutrawında bulğan cir teträwlärdä ğomere özelüçelärneñ sanı 110ğa citte, yuğaluçılar 200dän artıq.

“NHK”nıñ xäbärenä qarağanda, Anamiśu şähärendä bulğan cir şuışu näticäsendä kimendä 10 keşe şähärdä, 170tän artığı töbäkneñ törle cirleklärendä qısılıp qalğan.

Töbäktäge êvakuaśiyä üzäkläreneñ xäzerge waqıtta 31 meñ keşene sıyındıruı belderelde.

Yaponiyä meteorologiyä agentlığı 1nçe,2nçe,3nçe häm 4nçe ğıynvarda İsikavanıñ Noto yarımutrawı häm sulıqlarında magnitudaları 4tän alıp 7 ballğa qadär bulğan cir teträwlär terkälüen citkerde.