Yaponiyada yuğaltular arta

Yaponiyäneñ İsiskava töbägendä häm ul regiondağı Noto yarımutrawında bulğan cir teträwlärdä ülüçelär sanı 64kä citte.

İlneñ meteorologiyä agentlığı 1nçe häm 2nçe ğıynvarda anda magnitudaları 5 belän 7 arasında bulğan küp sanda cir teträwlär küzätelüen citkergän ide.

Zilzilälärdän soñ yullarda yarıqlar häm cimereklär barlıqqa kilüe, qayber toraqlarnıñ zıyan kürüe, su häm êlektr täêminatında özekleklär çığuı, barıp citü mömkin bulmağan awıllar barlığı açıqlandı.

Äle haman däwam itüçe teträwlärdä cimerelgän qorılmalar astında qotqarıluların kötüce keşelär turında mäğ’lümatlar bar.

Yaponiyä xökümäte räise Kisida Fumio hälakät töbägenä cibärelgän maxsus köçlärgä bäyle xezmätkärlärneñ sanın 2 meñgä citkerülären belderde. “Yärdäm çaraların töbäkkä irelşterü totrıqlı räweştä bara,”-dide ul.