Netan’yaxunıň xakimiyättä qaluın teläwçelär az

İzraildä Ğazzägä höcümnär betkäç prem’yer-ministr Bin’yamin Netan’yaxunıň xakimiyättä qaluın teläwçelär 15% qına buluı açıqlanğan.

İzrail demokratiya institutı ütkärgän soraştıruda oçraqlı räweştä saylanğan 756 izrailledän Ğazzä sızığında barğan höcümnär betkäç kemne prem’yer-ministr itep kürergä telägännäre sorala.

Qatnaşuçılarnıň 15%ı ğına Neyan’yaxunıň suğıştan soň üz wazıyfasın däwam itüne yaqlıy, 23%ı isä suğış kabinetı äğ’zası Beni Ganŝnı prem’yer-ministr itep kürergä teläwlären äytä.

İzrailneň 13 nçe kanal televideniyese 29 nçı dekabr’dä 700 qatnaşuçı belän ütkärelgän soraştıruda, saylawlar bulsa, Netan’yaxu partiyäse “Likud”nıň parlamentta 16 urın ala aluın açıqladı.

”Likud” partiyäse xäzerge waqıtta 120 urınlı İzrail parlamentında 32 urınğa iyä.