Yanartaw uyandı

İndoneziyanıñ Nusa Tengara töbägendä yanartaw şartlağannan soñ cirlektä yäşäwçe 1172 keşe êvakuaśiyälände.

Djakartadağı “Antara N’yus”nıñ xäbärenä qarağanda, Levotobi Laki-laki vulkanı kiçä uyandı.

Älege yanartaw urnaşqan Könçığış Flores rayonı wäqalätleläre beldergänçä, şunda uq cirlektä yäşäwçelärne êvakuaśiyäläw başlana. Alar öçen sıyınu urınnarı qorıla, azıq-tölek häm odeyallar birelä.

Vulkanologiyä häm geologik yanawnı kimetü üzägennän yasalğan belderüdä yanartawnıñ 1000-1500 metr biyeklekkä köl atuı äytelä.