"Keşelek ğazap çigä”
Bu xaqta BMO ğomum särqatibe Antoniu Guterreş belderde
Berläşkän Millätlär Oyışması ğomum särqatibe Antoniu Guterreş 2023 nçe yılnıň qırıslıq, köç qullanu häm ğazaplar yılı buluın belderde.
Ul Yaňa yıl öçen video yullama yasadı.
Klimat üzgäreşe arqasında dön’yanıň qurqınıç astında buluın häm 2023 nçe yılnıň iň êsse yıl bularaq terkälüen, keşelärneň yarlılıq häm açlıqtan integüen äytte.
Antoniu Guterreş berkemne dä ğayepläwdän fayda yuqlığın belderep:”Keşelek berdäm bulğanda köçle. 2024 nçe yıl ışanıç häm ömetne torğızu yılı bulırğa tiyeş”,- dide.
Guterres ayıruça klimat üzgäreşe, iq’tisad ölkälärendä, diskriminaŝiyägä qarşı köräştä möhim çaralar kürü kiräklegenä basım yasadı.
”2023 nçe yıl qotoçqıç ğazaplar, köç qullanu häm klimat xaosı yılı buldı. Keşelek ğazap çigä”,- dide Antoniu Guterreş.
Ul BMOnıň tınıçlıq, totrıqlı üseş häm keşe xoquqları öçen tırışlıqların däwam itäçägen citkerde.
