Ğazzädä yoğışlı awırular tarala

BMO Ğazzädä yoğışlı awırularnıñ zur tizlek belän taraluı turında çañ suğa. Oyışma ğomum särqatibeneñ gumanitar êşlär öçen cawaplı urınbasarı häm aşığıç yärdäm koordinatorı Martin Griffits “X” sośial’ media platformasında cirlektäge xastaxanälärneñ êşkä yaraqsız xälgä kilüenä iğ’tibarnı cälep itte. Ul çiktän tış küp keşe yäşäwçe sıyınu urınnarında xälneñ möşkel buluın citkerä: gigyena öçen mömkinleklär yuq, awırular tarala.

Griffits, xastaxanälär yaraqsız xälgä kilü arqasında, suğışta yaralanğan yözlärçä keşeneñ mediśina yärdäme almawın da äytä.

BMO wäqalätlese monıñ äle Ğazzädäge xalıq sälamätlege tarmağındağı problemalarnıñ başı ğına buluı turında kisätä.

Xalıqara Qızılxac komitetı İzrailne suğış waqıtında Ğazzädäge gumanitar êşçänleklärne häm anda xezmät quyuçılarnı saqlarğa çaqırdı. Belderüdä alarnıñ yärdäm öçen anda baruları häm êşlären qurqınıçsız şartlarda başqaruları kiräklege assızıqlandı.