AQŞ Ukrainağa yaña qorallar cibärä
Pentagon 250 million dollarlıq paket turında belderü yasadı
2081643
AQŞ saqlanu ministrlığı Ukrainağa 250 million dollar külämendä yaña xärbi yärdäm cibäreläçägen belderde.
Şul uq waqıtta, Djo Bayden idaräse Ukrainağa 61 milliard dollarlıq saqlanu yärdäme kerüçe paketnı Kongresstan älegä ütkärä almadı - senattağı cömhüriyätçelär kirtä buldı. Anıñ êşçänlege kiläse yılda däwam itär dip kötelä.
Pentagonnan citkerülärençä, 250 million dollarlıq xärbi yärdämgä cirdän hawağa atuçı raketa sistemaları, “Stinger” raketaları, artilleriyä snaryadları, tankka qarşı qorallar häm Ukraina armiyäsendä ixtiyac toyılğan başqa kiräk-yaraqlar kerä.