"Xamas" äsir almaşu öçen şart quydı

Fälästin qarşılıq xäräkäte “Xamas”nıñ säyäsi byurosı äğ’zası Usame äl-Xamdan İzrail belän yaña äsir almaşu mäs’äläsendäge ähämiyätle şartlarınıñ Ğazzädäge höcümnärneñ tulısınça tuqtatıluı buluın äytte.

“Xamas”nıñ Livan başqalası Bäyruttağı ofisında oyıştırılğan matbuğat cıyılışında İzrailneñ Ğazzädäge höcümnäre häm utnı tuqtatu turında söyläştelär.

Xamdan soñğı waqıtlarda äsir almaşı söyläşüläre belän bäyle iniśiativalar häm täq’dimnär mäs’äläsendä küp süzlär buluın belderde. “Monda “Xamas”nıñ nıqlı poziśiyäse şul: xalqıbızğa qarata faşist (İzrail) cinayät’ höcümnäreneñ tuqtatıluı kiräk”,-di ul. Xamdan Ğazzä xalqınıñ İzrail barıber tağın da kübräk üterü belän bozaçaq “waqıtlıça utnı tuqtatu” telämäwen äytte. “Alar höcümnärneñ külämle räweştä tuqtawın kötä. Solıx mäs’äläsendä älegä ölgerep citkän iniśiativa yuq häm basıp aluçı armiyä alğa baru öçen taktika üzgärtergä tırışa,”-dip söyläde ul.

“Xamas” wäkile İzrailneñ Ğazzädä 8nçe oktyabr’dän birle baruçı höcümnärendä älegä qadär yaqınça 21 meñ keşeneñ üterelüen häm 54 meñeneñ yaralanuın citkerde.