İzrailneñ basqınnarı

İzrail Yordannıñ basıp alınğan Könbatış üzänlegendä tınıç xalıqqa qarata zolımın däwam itä. Alar Tulkarm şähärendä basqın oyıştırdı. Çıqqan bäreleştä 6 fälästinle üterelde.

Äl Xalil şähärendä dä İzrail ğaskäriläre fälästinlelärgä ut açtı, 2 keşene üterde.

7nçe oktyabr’dän birle Yordannıñ basıp alınğan Könbatış üzänlegendä häm könçığış Qudüstä (Yerusalim) üterelgän fälästinlelärneñ sanı 305kä citte.

İzrail armiyäse Yordannıñ basıp alınğan Könbatış üzänlegendä urnaşqan Nur Şäms möhacir lagerına da bärep kerde. Alar bik küp xärbi texnika häm bul’dozerlar belän basqın yasadı, ber binanı bombaladı. İzrail köçläre lager’da fälästinlelärneñ yort-ciren cimerde, asqormağa zıyan saldı.

Şulay uq, qulğa alular da däwam itä. 7nçe oktyabr’dän birle töbäktä İzrail köçläre alıp kitkän fälästinlelärneñ sanı 4 meñ 785kä citte.