İzrail keşe xoquqların yaqlaw oyışması Ğazzädäge wäzğıyät'kä reakŝiya belderde
“B'Tselem”:"İzrail 80 kön däwamında Ğazzägä yağulıq, azıq-tölek, su häm darular kertüne tıya”
Ğazzädäge keşelek faciğase İzrail keşe xoquqların yaqlaw oyışmalarınıň da kön tärtibendä.
İzrailneň keşe xoquqları oyışması “B'Tselem” Ğazzä sızığındağı gumanitar afätneň ğacäyep naçarayuına basım yasadı.
Oyışma soŝial’ meda akkauntında Ğazzädäge soňğı wäzğıyät’ turında belderü yasadı.
”Xäzerge waqıtta Ğazzädäge fäläkät iskitkeç köçäyä bara. İzrail 80 kön däwamında yağulıq, azıq-tölek, su häm darular kertüne tıya” diyelä anda.
Belderüdä äytelgänçä, İzrailneň höcümnäre häm blokadası belän Ğazzädä wäzğıyät’ bik naçaraydı häm İzrail belä torıp Fälästin xalqın aç häm susız qaldıra.
İzrailneň keşe xoquqları oyışması “B'Tselem” belderüendä Ğazzägä cibärelgän barlıq yärdämnärgä qarata çikläwlärne beterergä häm xalıqara cämäğat’çelekneň aşığıç räweştä ike yaqlı utnı tuqtatırğa çaqırırğa kiräklege äytelde.
