Êsse hawa dulqınnarı milliardlağan keşeneñ tormışın astın-öskä kiteräçäk
Klimat üzgärüneñ täêsirlärenä torğan sayın kübräk keşe duçar bulaçaq
2073198
2090nçı yılğa qadär dön’ya külämendä êsse hawa dulqınnarına duçar bula aluçı keşe sanı 2 milliard 800 millionğa citä ala.
BMOnıñ Xalıqara migraśiya oyışması çığarğan xisapta klimat üzgärüneñ keşelärneñ küçeşen aldan farazlawnı çikläwe belderelä.
Êsse hawa dulqınnarı yoğıntısına duçar bula aluçılarnıñ yartısın diyärlek täşkil itüçe 1 milliard 300 million keşeneñ Kön’yaq Aziyada yäşäwe äytelä. Bu regionda klimat üzgärü säbäple soñğı 10 yılda 60 millionğa yaqın keşe yäşägän cirlärennän kitärgä mäcbür bula.
Xisapta 2023nçe yılnıñ tarixtağı iñ cılı yıl buluı xäterlätelä häm klimat üzgärüneñ täêsireneñ Afrikadan başlap Tın okean utrawlarına qadär torğan sayın tağın da köçleräk sizelüe assızıqlana.
