BMOnıñ İminlek şurası Ğazzä qararın 4nçe tapqır kiçekterde

BMOnıñ İminlek şurası Ğazzädä utnı tuqtatu qararı ölgesen qabat raslamadı. Oyışma İzrail höcümnärenä “gumanitar tänäfes” birü yäisä tulısınça tuqtatunı küzallawçı dokumentnı 4nçe tapqır kiçekterde.

Utırıştağılar “utnı tuqtatu” yäisä “gumanitar tänäfes” süzläreneñ qaysı qullanılaçağı belän yärdämneñ kem tarafınnan kontrol’ iteläçäge mäs’äläsendä kileşä almadı.

BMOnıñ İminlek şurası äzerlägän qarar ölgese Ğazzägä yärdämneñ barı cirdän genä tügel, diñgezdän häm hawadan da iltelüen küzallıy. Monnan tış, dokumentta yärdämnärne BMO ğomum särqatibe töziyäçäk mexanizm kontrol’ itäçäge äytelä. Xäzerge waqıtta monı İzrail başqara.

BMOnıñ kontrolenä qarşı çığuçı İzrail Amerika Quşma Ştatlarına da basım yasıy. Şul säbäple, Vaşingtonnıñ İzrailne üz êçenä almıy torğan qarar ölgesenä veto quyaçağı utırışnıñ kulisları artında yış telgä alına.

Dokumentnıñ tekstınnan monnan aldağı ölgelärdäge “bäreleşlärne waqıtlıça tuqtatıp torırğa” çaqıru beterelgän, anıñ urınına “kirtälärsez gumanitar yärdämgä ireşergä röxsät itü öçen aşığıç adımnar yasaw” çaqıruı kertelgän.