AQŞta köçle dawıl ülemnärgä kiterde
İlneñ tön’yaq-könçığışında dawıllı häm yañğırlı hawa torışı däwam itä
2078674
Amerika Quşma Ştatlarınıñ tön’yaq-könçığışında xakimlek itüçe köçle dawıl häm yawım-töşemnär arqasında 4 keşeneñ ğomere özelde.
“The Washington Post”nıñ xäbärenä qarağanda, cilneñ tizlege säğatenä 140 çaqrımğa citkän. Hawa şartları köndälek tormışqa tiskäre täêsir yasıy. Pensil’vaniya, Kön’yaq Karolina, Mên häm Massaçusets ştatlarında berär ülem oçrağı terkälä. 800 meñnän artıq keşe êlektrsız qala, alarnıñ 500 meñenä ale haman ut kilmägän.
N’yu-York mêriyäse kiçä watandaşlarnı dawılda su taşqınnarı bula alu xaqında kisätte. Şulay uq, bik kiräk bulmağanda maşina belän yulğa çıqmasqa häm cämäğat’ transportın qullanırğa kiñäş ittelär