Putin namzät buldı
Rusiyädä ilbaşı saylawı 15-17 mart könnärendä uzaçaq
2078059
Rusiyä däwlät başlığı Vladimir Putin 2024nçe yılda uzaçaq ilbaşı saylawı öçen dokumentların Üzäk saylaw komissiyäsenä kertte. Şulay itep ul bäysez namzät bulıp terkälde. Bu xaqta Kreml’dän yasalğan belderüdä äytelä.
İlneñ Federaśiya şurası ilbaşı saylawlarınıñ 15nçe-17nçe mart könnärendä oyıştırılaçağı turında qarar çığardı. Vladimir Putin namzät bulaçağın xäbär itte häm bu xaqta Üzäk saylaw komissiyäsenä dä mäğ’lümat cibärgän ide.
Saylaw yarışında Putin bäysez namzät bulıp qatnaşa, tik saylaw kampaniyäsendä Rusiyä parlamentı - Däwlät Dumasında urın aluçı “Berdäm Rusiyä” partiyäseneñ yärdämenä tayanaçaq.
Rusiyädä monnan aldağı ilbaşı saylawı 2018nçe yılnıñ 18nçe martında uzdı. Anda Putin tawışlarnıñ 76,69%ın alıp däwlät başlığı itep saylandı.
