BMO M'yanmadağı xälgä iğ'tibarnı cälep itte
Tüntäreleştän soñ ildä gumanitar krizis bik awır noqtağa barıp citte
BMO M’yanmada tüntäreleştän soñ uzğan 3 yılda gumanitar xälneñ bik naçarayuına iğ’tibarnı cälep itte. Oyışma älege il öçen 2024nçe yılda êşlänäçäk ğamällär planın açıqladı.
Belderüdä M’yanmada 19 million 600 meñ keşeneñ gumanitar yärdämgä moxtac buluı, monıñ ildäge xalıqnıñ öçtän berenä turı kilüe citkerelä. Krizisnıñ awırlığı balalarnıñ cilkäsenä dä töşä, 6 million sabıy yärdämgä moxtac.
Belgeçlär iq’tisadi xälneñ ğailälärgä citdi finans awırlıqlar kiterüen, awıl xucalığındağı citeşsezleklär häm yuğarı inflyaśiya säbäple keşelärneñ azıq-tölek problemaları kiçerüen, näticädä açlıq qurqınıçı tuuın belderä. “Xatın-qızlar, invalidlar häm arakanlılar bu awır xäldä iñ nıq zıyan kürüçelär” diyelä xisapta.
Belderüdä aşığıç yardamnar öçen 994 million dollarğa ixtiyac buluı häm berençe êtapta nıq moxtac 5,3 million keşeneñ açıqlanuı citkerelde.
