Rusiyägä - yaña sankśiyalär

Awrupa Berlege illäreneñ liderları Rusiyägä qarata 12 sankśiya paketı kertergä kileşte. Moña almaz belän säwdä itü dä kerä.

Bel’giyä başqalası Brüssel’dä Awrupa Berlege liderlar sammitınıñ täwge könendä utırış betkänçe ük deklaraśiyäneñ sankśiyälär belän bäyle büleme jurnalistlarğa citkerelde.

Yaña sankśiyälär Rusiyäneñ neft’tän keremen kimetü öçen bäyälärneñ iñ yuğarı çigen qısu häm sankśiyälärne äylänep uzuğa qarşı köräşne köçäytüne dä üz êçenä ala. Älegä anıñ barlıq detal’läre belderelmäde.

Sankśiyälär, şulay uq, 1nçe ğıynvardan başlap Rusiyäneñ industrial’ bulmağan almaz êksportın da tıya.