Amerika häm Karib utrawlarında denge bizgäge tarala

 Amerikada häm Karib utrawlarında bıyıl denge bizgägennän 2 meň keşeneň ğomere özelgän.

Bötendöny’ä sälamatlek saqlaw oyışmasınıň Amerikadağı regional’ ofisı Pan Amerika sälamätlek saqlaw oyışması kiňäşçese Tay dos Santos awıru oçraqların terkäwneň 1980 nçe yllarda başlanuın häm oçraqlar sanında artunıň däwam itüen belderä.

“Bıyıl – terkälgän yıllardağı iň küp oçraq bulğan yıl”,- di ul.

2023 nçe yılda Amerikada häm Karib utrawlarında 4 millionnan artıq denge bizgäge belän awıru oçrağı terkälgän, 2 meňnän artıq keşe älege çirdän ğomeren yuğaltqan.

Sälamätlek saqlaw şartları häm sistemaları oçraqlar artuda rol’ uynasa da, belgeçlär klimat üzgäreşenä bäyle qorılıq häm su basunıň virusnıň tağın da taraluına yoğıntı yasawın assızıqlıy.

Noyabr’ başına dön’yada 4 million 500 meňnän artıq denge bizgäge oçrağı terkälgan, virüs 80 ildä 4 meňnän artıq keşene yaqtı dön’yadan alıp kitkän.