Köçle yaňğırlardan millionlağan keşe zıyan kürgän

Könçığış Afrika illärendä könnär buyı däwam itkän yawım-töşemnärdän 3 millionnan artıq keşe zıyan kürgän, 1,2 million keşe küçenep kitärgä mäcbür bulğan.

Bu xaqta Berläşkän Millätlär Oyışması Bötendön’ya azıq-tölek programması Nayrobi ofisınıň yazma belderüendä citkerelä.

Anda äytelgänçä, köçle yaňğırlar millionlağan keşe tormışına tiskäre yoğıntı yasağan.

Belderüdä yaňğırlar däwam itäçäk häm aldağı könnärdä azıq-tölek qurqınıçsızlığı probleması artaçaq dip kisätälär.

Su basudan zıyan kürgän Könçığış Afrika illäre arasında Keniya, Êfiopiya, Somali häm Tanzaniya bar.

Noyabr’ urtasınnan birle küzätelgän su basular arqasında Keniyädä 160, Êfiopiyädä 57, Tanzaniyädä 68, Somalida 110 keşeneň ğomere özelgän.