"İzrail armiyaseneñ Ğazzädäge xalıqnı tağın da yaxşı saqlawı kiräk"

Germaniyaneñ tışqı êşlär ministrı Annalena Berbok İzrail armiyaseneñ Ğazzädäge xalıqnı tağın da yaxşı saqlawı zarurlığın belderde.

Germaniya tışqı êşlär ministrlığınıñ X sośial’ çeltärendäge akkauntında yasalğan belderügä kürä ministr Berbok Berlӓşkӓn Ğaräp Ämirlekläreneñ Dubay şähärendä Gumanitar yärdäm skladına barğaç açıqlaw yasadı.

Annalena Berbok Ğazzädäge wazğıyät’neñ könnän-kön naçarayuın assızıqladı.

Ğazzädä iñ küp xatın-qızlar häm balalarnıñ qayğı-xäsrät kürüen beldergän Berbok bolay dide: “Alar azıq-tölekne iñ soñğı bulıp ala häm iñ berençe bulıp ülä.”

Yärdäm kürsätü öçen bäreleşlärne tuqtatuğa ixtıyac buluın äytkän ministr tübändägeçä däwam itte: “İzrail armiyaseneñ Ğazzädäge xalıqnı tağın da yaxşı saqlawı kiräk.”

Germaniya ministrı bıyıl öçen Fälästin cirlärendäge keşelärgä kürsätelgän gumanitar yärdämne 179 million yevroğa citkerülären belderde.