Tramp AQŞ belän Meksika çigen yabarğa teli
Tramp, qabat ilbaşı wazıyfasına saylansa, berençe bulıp närsä êşläyäçägen äytte
2073666
AQŞnıñ êlekkege ilbaşı Donal’d Tramp, älege wazıyfağa qabat saylansa, barı ber köngä bulsa da diktatorlıq qılıp, Meksika çigen yabarğa teläwen belderde.
“Politico” media şirkäteneñ xäbärenä qarağanda, “Fox News”nıñ analitik tapşıruına interv’yu birgän Tramptan “İkençe tapqır ilbaşı känäfiyenä saylansağız, köndäşläregezgä qarşı ğamälläregez nindi bulaçaq häm üç alırğa cıyınasızmı?” dip sorıylar. Ul wazıyfasınıñ barı berençe könendä diktatör bulaçağın äytä.
Tramp AQŞ belän Meksika arasındağı çikne yabarğa häm borawlarğa teläwen citkerä. “Monın tışında min diktatör tügel” di ul.
Tramp AQŞ ilbaşı Djo Baydennıñ 2024nçe yılğı saylawlarda “ruxi häm fizik sälamätlege arqasında” namzät bula almayaçağın uylawın da belderä.
