Ciläk aşaw faydalı

Ciläk aşaw keşeneñ tanıp-belü säläten üsterä, şul uq waqıtta, depressiyä simptomnarı belän köräşergä yärdäm itä. AQŞnıñ Ogayo ştatındağı Śinśinnati universitetı psixiatriya häm üz-üzeñne totış neurofäne kafedrası uzdırğan tikşerenülär şundıy näticä çığardı. Tik bu ğına tügel. Açıqlanğança, qartayğaç barlıqqa kilüçe aqıl zäğıyf’legeneñ ähämiyätle risk faktorı bulğan insulinğa qarşı toruçanlıq urta yäş’lärdä dä küp kürenä başladı.

Tikşerenüdä qatnaşqan fän ähelläre ciläk häm başqa cimeşlärne aşawnıñ demenśiyäne kimetügä öleş kertüen belderä. Alar metabolizm ğına tügel, tanıp-belü sälätenä dä uñay yoğıntı yasıy.

Ciläklärdä alarğa tös birüçe häm suda êruçı pigment - antośian bar. Älege matdä demeśiyäneñ kiñ cäyelü qurqınıçın kimetä. Tik belgeçlär antośiannarnıñ keşe sälamätlegenä faydaların äle östämä tikşerü kiräklelegen assızıqlıy.

Küptän tügel San-Diyego universitetında uzdırılğan tikşerenülärdä dä ciläk aşağannan soñ keşelärdä tanıp-belü prośessı tizlegeneñ 5,2%qa artuı terkälde.