Blinken İzraildä

AQŞ däwlät särqatibe Êntoni Blinken İzrail belän “Xamas” arasındağı bäreleşlärne tuqtatıp toruçı “gumanitar tänäfes”ne mömkin bulğança ozınaytu häm Ğazzägä gumanitar yärdäm kertü turında söyläşü öçen Tel’-Avivqa yul tottı. Bu anıñ krizis başlanğannan birle Yaqın Könçığışqa öçençe säfäre bulaçaq. Blinken turın İzraildän başladı.

Säfäre qısalarında Blinken İzrail wäqalätleläre belän Ğazzädäge “gumanitar tänäfes”, “Xamas”nıñ qulındağı äsirlärneñ irekkä çığarıluı häm yärdämnärne kertü turında söyläşte. Anıñ İzraildäge oçraşularınnan soñ Yaqın Könçığış buylap turın däwam itaçage uylanıla.  

İsegezgä töşeräbez, İzrail belän “Xamas” arasında tözelgän äsir almaşu kileşüe qısalarında 24nçe noyabr’dä Ğazzädäge bäreleşlärgä 4 könlek “gumanitar tänäfes” birelde. Qatar häm Misır aradaşlığında uzdırılğan söyläşülär näticäsendä ul 2 köngä ozaytıldı.

İzrail armiyäse 6 kön däwam itkän häm bügen irtän tögällängän “gumanitar tänäfes”neñ qabat ozaytıluın citkerde. Tik niçä köngä ikänen äytmäde.

“Xamas”tan yasalğan yazmaça belderüdä isä “gumanitar tänäfes”neñ 1 köngä ozaytıluına qarar birelüe xäbär itelä.