Bayden: "Gumanitar tänäfesne ozaytu mömkin"

AQŞ ilbaşı Djo Bayden İzrail belän “Xamas” arasındağı bäreleşlärne 4 köngä tuqtatıp torunı üz êçenä aluçı gumanitar tänäfesne ozaytu mömkinlege buluın belderde.

Aq Yorttan yasalğan belderügä qarağanda, Bayden Massaçusets ştatında uzğan matbuğat cıyılışında açıqlawlar yasadı. Ul jurnalistlarnıñ gumanitar tänäfesne ozaytuğa qağılışlı sorawına: “Mondıy mömkinlek bar”,-dip cawap birde.

İzrail belän “Xamas” arasındağı bäreleşlärgä 4 kön tänäfes yasaw kileşüe kiçä cirle waqıt belän 07.00 säğat’tä ğamälgä kerde.

“Xamas” kiçä kiçke säğat’lärdä 13 izraille äsirne, İzrail isä Ofer törmäsendäge 39 fälästinlene irekkä çığardı.

Kileşü qısalarında, “Xamas” qulındağı 50 izraille äsir häm İzrail törmälärendäge 150 fälästinle irekkä cibäreläçäk.