AQŞ Yämänneñ dronnarın bärep töşerde
Yämändä xusilär kontrol’ itüçe töbäklärdän İzrailgä taba kamikadze dronnar cibärelä
2067882
AQŞnıñ üzäk köçlär komandalığı (ŚENTKOM) Yämändä xusilär kontrol’ itüçe töbäklärdän cibärelgän bik küp sandağı kamikadze dronnıñ Qızıl diñgez östendä bärep töşerelüen citkerde.
ŚENTKOMnan yasalğan yazmaça belderügä qarağanda, dronnar AQŞ flotı korabınıñ Qızıl diñgezdäge patrule waqıtında kürep alına. Köymägä bernindi zarar kilmäwe äytelä.
Yämändä İran yaqlawındağı xusilär 31nçe oktyabr’dän birle bik küp tapqır İzrailgä raketa häm keşesez hawa apparatları cibärülären belderde. Alar 19nçı noyabr’dä Qızıl diñgezdä İzrail korabların nişanğa alu belän yanadı. Şunnan soñ İzrail şirkätenä qarawçı säwdä korabın qulğa töşerülären xäbär ittelär.