"Ukraina suğışında 10 meñ ğayepsez keşe ülde"
Bu xaqta BMOnıñ Säyäsi êşlär berämlegendä Awrupa, Urta Aziya häm Amerikadan cawaplı ğomum särqätip urınbasarı citkerde
Berlӓşkӓn Millӓtlӓr Oyışması Rusiyä-Ukraina suğışı başlanğannan birle 10 meñ ğayepsez keşeneñ üterelüen, 18 500 keşeneñ yaralanuın citkerde.
Berlӓşkӓn Millӓtlӓr Oyışmasınıñ Säyäsi êşlär berämlegendä Awrupa, Urta Aziya häm Amerikadan cawaplı ğomum särqätip urınbasarı Miroslav Yença BMO iminlek şurasında oyıştırılğan utırışta äğza illärgä mäğlümat birde.
“Rusiyäneñ Ukrainanı yawlawı BMO Şartın häm xalıqara xoquqnı boza,” – digän Yença qorbannar arasında yözlärçä balanıñ da buluına iğtibarnı cälep itte.
Yença beldergänçä suğış şartlarında ikençe qışnı uzdıraçaq millionnarça Ukraina keşese öçen wazğıyät’ bik awır, bäreleşneñ Qara diñgezgä cäyelü riskı haman da yuğarı.
“Global’ cılınu häm krizislar arasında xalıqara cämäğat’çelek Ukrainanı küzdän ıçqındırmasqa tiyeş. Ukraina xalqınıñ bu suğış arqasında kürgän qayğı-xäsrätläre betärgä tiyeş,” – dide ul.
