Tön'yaq Koreya tağın ilçelegen yapqan

Tön’yaq Koreya qayber Afrika illӓre hӓm İspaniyadӓn soñ Nepal başqalası Katmandudağı ilçelegen dӓ yapqan.

“Yonxap” xӓbӓr agentlığı beldergӓnçӓ Pxen’yan citӓkçelege Nepaldağı ilçelegen yabu qararın birgӓn, Hindstan başqalası Yaña Dӓxlidӓge Tön’yaq Koreya ilçelegeneñ diplomatik êşçӓnleklӓren kire alğan.

Nepal matbuğatındağı xӓbӓrlӓrgӓ kürӓ Nepal prem’yer-ministrı Puşpa Kamal Dahal Praçandanıñ ofisınnan yasalğan açıqlawdan kürengӓnçӓ Tön’yaq Koreyaneñ bu qararı üzgӓrgӓn östenlege hӓm tirӓnӓygӓn matdi krizisı arqasında qabul itelde.

Ministrlar kabinetı ofisı sośial’ çeltӓrdӓ açıqlaw yasap, Tön’yaq Koreyaneñ Nepaldağı ilçeseneñ 6 noyabr’dӓ prem’yer-ministr belӓn xuşlaşuın belderde.

Nepal belӓn 1974tӓ diplomatik mönӓsӓbӓtlӓr qorğan Tön’yaq Koreya şul uq yılnı Katmanduda ilçelek açqan ide.

Tön’yaq Koreya küptӓn tügel Angola, Uganda hӓm İspaniyadӓge ilçeleklӓren dӓ yabıp, ilçelӓren kire qaytarğan ide.