Sudanda balalarğa açlı-tuqlı yäşäw qurqınıçı yanıy
1 million 650 meñ bala azıq-tölek citmäwdän integäçäk dip farazlıylar
Sudanda 5 yäş’kä qadärge yaqınça 1 million 650 meñ balağa açlı-tuqlı yäşäw qurqınıçı yanıy.
Bu xaqta BMOnıñ 15 oyışması belän regional’ häm xalıqara ictimaği oyışmalar äzerlägän Sudan turındağı analizda citkerelä.
Anda äytelgänçä, oktyabr’ - noyabr’ çorında Sudanda 5 million 830 meñ keşe 3 yäki annan da yuğarı däräcä dip klassifikaśyälängän aşawğa moxtaclıq kiçerä. Bu isä il xalqınıñ yartısı diyärlek.
Andıylarnıñ sanı 2024 nçe yılnıñ aprel’- iyül’ aylarında 7 million 100 meñ keşegä qadär artır dip kötelä.
2023 nçe yılnıñ iyülennän 2024 nçe yılnıñ iyünenä qadär Sudanda 5 yäş’kä qadärge 1 million 650 meñ bala açlı-tuqlı yäşäyäçäk dip farazlana.
Şul uq çorda ildä 870 meñ yökle häm imezüçe xatın - qızlar da azıq-tölek citmäwdän integäçäk dip isäplilär.
