Gollivud aktrisası Sarandon Fälästin yaqlı buluın belderde

Gollivudnıñ Oskarlı aktrisası S’yuzan Sarandon sośial’ mediada Fälästingä teläktäşlegen belderde. Ul X platformasında AQŞnıñ N’yu-York şähärendä 5nçe noyabr’dä uzdırılğan mitingta töşkän fotoräsem urtaqlaştı häm bolay dip yazdı: “Ğazzädäge waqıyğalarğa ähämiyät birü öçen fälästinle buluığız kiräk tügel. Min Fälästin yanında. Härkem bäysez bulğanğa qadär berkem bäysez tügel”.

Sarandon 21nçe oktyabr’dä aralarında Xoakin Feniks, Kêyt Blanşett, Djon Styuart, Kristen Styuart, Maxerşala Ali häm Riz Äxmät şikelle mäşhür şäxeslär dä bulğan 55 sänğat’çe häm aktivist belän bergä cibärgän xatta AQŞ ilbaşı Djo Baydennan İzrail belän Fälästin arasında utnı tuqtatunı soradı.

İzrail armiyäseneñ Ğazzägä höcümnärendä 7nçe oktyabr’dän birle 10 meñnän artıq keşe ülde.