İzrailneñ Ğazzägä höcümnärendä qorbannar sanı arta

 Ğazzädäge sälamätlek saqlaw ministrlığı beldergänçä, İzrailneñ 7 nçe oktyabr’dän birle Ğazzägä oyıştırğan höcümnärendä ğomeren yuğaltuçı fälästinlelärneñ sanı 9 meñ 227gä citkän.

Alarnıñ 3 meñ 826sı – balalar, 2 meñ 405e - xatın – qızlar.

İzrail Ğazzädä barı soñğı täwlektä genä 166 fälästinlene ütergän.

Ğazzädäge xökümätneñ media ofisı beldergänçä, İzrail köçläre Ğazzädä 28 kön özleksez däwam itkän höcümnärdä 85 xökümät binasın cimergän, höcümnär näticäsendä 212 meñnän artıq toraq zıyan kürgän, 35 meñ toraq tulısınça cimerelgän, höcümnär 214 mäktäpkä zyan salğan, 45 mäktäp xezmät kürsätä almıy.

İzrail Ğazzädä 47 mäçetne tulısınça cimergän, 164  mäçetkä häm 3 çirkäwgä  zıyan kitergän.

Höcümnärdä 40 jurnalist, 135 sälamätlek saqlaw xezmätkäre häm aşığıç qotqaru törkemnärennän 18 xezmätkär, 49 din ähele  ğomeren yuğaltqan.