Ğazzädä küpme jurnalist üterelde?

“Çik tanımawçı jurnalistlar” oyışması Ğazzädä jurnalistlarğa qarata başqarıluçı suğış cinayät’läre arqasında Xalıqara cinayät mäxkämäsenä möräcäğat’ itüen açıqladı.

Oyışma 7 oktäbr’dän bügengä qadär üterelgän 9 jurnalist öçen Xalıqara cinayät mäxkämäse prokuraturasına möräcäğat’ itkän.

Bäreleşlär başlanğannan birle Ğazzädä kim digändä 34 jurnalist üterelde.

“Çik tanımawçı jurnalistlar” oyışması çärşämbe könne yasağan belderüdä Ğazzädäge İzrail-Fälästin bäreleşüendä jurnalistlarğa qarata başqarılğan suğış cinayät’läreneñ tikşerelüe öçen Xalıqara cinayät mäxkämäsenä möräcäğat’ itüen citkerde.

“Çik tanımawçı jurnalistlar” oyışmasına kürä Ğazzädä bügengä qadär 34 jurnalist üterelde, alardan 12ese wazifa başında bulğan.

Oyışma jurnalistlardan 10ısınıñ Ğazzädä, berseneñ İzraildä häm berseneñ dä Livanda üterelüen belderde.