Bangladeşta tekstil’ êşçeläre êş taşlağan

İldä meñnärçä tekstil’ êşçese ğadel xezmät xaqın taläp itü çaraları qısalarında başqala Dakkadağı yullarnı yapqan.

Könbatışlı tanılğan markalar öçen citeşterüçe êşçelärneñ könnär buyı däwam itüçe protest çaralarında kim digändä ike keşe ülde.

Poliŝiya sänägät’ şähäre Gazipurda meñnärçä êşçeneñ êş taşlaw çarası oyıştıruın, 6 qatlı êşxanägä ut törtü näticäsendä ber keşeneñ ülüen äytte.

Poliŝiya häm protestçılar arasında çıqqan bäreleşlärdä dä ber êşçe yaqtı dön’yadan kitte.

Çaralarda qatnaşuçı 5 meñnän artıq êşçe citäkçelärennän ayına kim digändä 208 dollar xezmät xaqı taläp itä.

Protest çarasında qatnaşqan êşçelärdän Sabina Begüm ayına 75 dollar bulğan xezmät xaqınıñ ğailäseneñ töp ixtıyaclarına citmäwen äytte.

Bangladeşta êşçänlek başqaruçı 3500 kiyem fabrikası ilneñ 55 milliard dollarlık êksportınıñ 85%ın qanäğat’länderä, läkin tarmaqtağı 4 million êşçe naçar şartlarda êşli.