Sudanda yaqınça 3 million bala öylären taşlap kitkän
Bu xaqta YUNİSEFnıñ Sudan ofisı belderä
Sudanda barğan watandaşlar suğışı arqasında yaqınça 3 million bala yäşägän cilärennän başqa urınnarğa küçep kitkän.
Bu xaqta BMOnıñ Balalarğa yärdäm itü fondı YUNİSEFnıñ Sudan ofisı xäbär itä.
Ofisnıñ “X” sośial’ media platformasındağı belderüendä äytelgänçä, bu dön’yadağı iñ yuğarı kürsätkeç.
Suğışnıñ köçäyüe tağın da kübräk balanıñ köç qullanu, qırıslıq, cäberläw häm êkspluataśiya qurqınıçına duçar bulıp öylären taşlap kitülärenä kiterde.
“Balalar tınıç şartlarda häm sälamät bulsın, uqıy, öyränä häm uynıy alsın öçen suğış tuqtatılırğa tiyeş” diyelä YUNİSEF belderüendä.
İskärtep uzabız, 15 nçe aprel’dä Könçığış Afrika ile Sudanda armiya belän operativ yärdäm köçläre arasında bäreleşlär başlanğan ide.
Sudan Keşe xoquqların küzätü yortı mäğ’lümatlarına qarağanda, bar köçenä däwam itkän bäreleşlärdä yaqınça 10 meñ keşe ğomeren yuğaltqan, 25 million sudanlı gumanitar yärdämgä moxtac häm 5 million 400 meñ keşe öylären taşlap kitärgä mäcbür bulğan.
