Hindstanda ike poyızd bäreleşkän

Hindıstannıñ kön’yaq-könçığışındağı Andra Pradeş provinŝiyasendä ike yulçı poyızdınıñ bäreleşüe näticäsendä berençe mälümatlarğa kürä 13 keşe ülde, 50 keşe yaralandı.

Yäkşämbe kiçen barlıqqa kilgän yul hälakätendä ber yulçı poyızdı Andra Pradeş provinŝiyasendäge Alamanda häm Kantakapalle rayonnarı arasında ikençe poyızd belän bäreleşkän.

Hindıstannıñ Timer yulı ministrlığı berençe mäğlümatlarğa kürä faciğanıñ keşe xatası arqasında barlıqqa kilüen äytte.

Prem’yer-ministr Narendra Modi soŝial’ mediada açıqlaw yasap, mäs’älä belän bäyle bularaq Timer yulı ministrı belän küreşep söyläşüen häm räsmi zatlarnıñ faciğada zıyan kürüçelärgä härtörle yärdämne kürsätüen äytte.

Hindıstanda 1981 yılda barlıqqa kilgän iñ zur timer yulı hälakätendä ber yulçı poyızdı küperdän uzğanda rel’stan çıqtı. Waqıyğada 800 keşe ülgän ide.

Uzğan iyun’ ayında öç poyızd bäreleşte, 300 keşe ülde.