"Höcümnär regional’ suğışqa äylänä ala"

Xamasnıñ säyäsi byuro başlığı İsmäğıyl’ Xäniyyä İzrailneñ Ğazzägä däwam itüçe höcümnäreneñ regional’ suğışqa äylänä alaçağı turında kisätte.

Xäñiyyä yazdırğan video yazmada Ğazzä, Yordannıñ könbatış üzäñlege häm Livan frontında İzrail belän küzätelüçe bäreleşlär belän säyäsi täraqqıyät’lärgä bäyä birde.

İsmäğıyl’ Xäniyyä Amerika Quşma Ştatları belän qayber Awrupa illäreneñ moral’ yärdäm öçen İzrailgä säfär oyıştıruların xäterlätep, Vaşington citäkçelegeneñ barlıq bu tırışlıqlarına qaramastan Ğazzägä höcümnär mäs’äläsendä İzrailgä regional’ häm xalıqara yärdäm kürsätü häm ğaräplärgä deportaŝiyane qabul itterüdä uñışqa ireşä almawın belderde.

Barlıq basımnarğa qaramastan ğaräp häm İslam illäreneñ fälästinlelärneñ deportaŝiyase mäs’äläsendäge totışınıñ ap-açıq buluın äytkän Xäniyyä Farsı qultığı xezmättäşlek şurası, İslam xezmättäşlek şurası häm ğaräp berlege cıyılışlarında da monıñ assızıqlanuın açıqladı.

Misır belän ber rättän ğaräplärneñ häm İslam illäreneñ deportaŝiyägä qarşı torışın maqtağan Xäniyyä bu torışnı xuplarğa çaqırdı.

Xamasnıñ säyäsi byuro başlığı beldergänçä AQŞ citäkçelege qalğan frontlarnı beterü häm keşelärne İzrailneñ yalğannarına ışandıru mäs’äläsendä dä uñışsız buldı.

Xamas liderı Ğazzägä qarata oyıştırıluçı bu wäxşi höcümnär, cimerü häm qan qoyu däwam itkän oçraqta monıñ regional’ suğışqa äylänä alaçağı turında kisätülären citkerde.

Xäniyyä uzğan könnärdä ğaräp häm İslam dön’yasınnan küp sandağı räsmi zat belän küreşülären äytep, bu söyläşülärdä çişeleşneñ barı tik yawlawnıñ beterelüe häm başqalası Qodüs-Yerusalim bulğan Fälästin däwläteneñ qorıluı belän mömkin buluın belderülären häm yawlawçı komandirlarnıñ başqarğan cinayät’läre arqasında xökemgä tartıluın, şulay uq Ğazzägä qısqa waqıtta yärdämnärneñ ireşterelüen taläp itülären citkerde.

İsmäğıyl’ Xäniyyä soñğı itep Fälästin xalqı belän ğaräp häm İslam dön’yasın comğa könne “Ğazzägä höcümnär tuqtasın!” şiğare belän çara oyıştırırğa çaqırdı.