"Xamas": Xastaxanägä höcümneñ cawaplılığı İzrail östendä
"Xamas" xastaxanägä höcümneñ AQŞ birgän häm İzraildän başqası iyä bulmağan qoral köçe yärdäme belän tormışqa aşırıluın belderde
“Xamas” İzrailneñ Ğazzädä yasağan häm kimendä 500 keşeneñ ğomeren özgän xastaxanä höcümeneñ böten cawaplılığı turıdan-turı Tel’-Aviv idaräsendä buluın belderde. Oyışma “Äl-Ähli” baptist xastaxanäsen şartlatu belän bäyle yazmaça açıqlama urtaqlaştı. Anda İzrailneñ “yalğan xikäyälär uylap çığarıp qan qoyu turındağı xaqıyqat’ne bozıp kürsätergä mataşuı” citkerelä.
“Xastaxanäne bombalaw belän yanağan faşist basıp aluçı köçlär 23 aşığıç yärdäm maşinasın bärde, ğailäläre belän 25tän artıq tabibnı, 3 meñnän artıq fälästinle sivilne üterde. Bu keşelärneñ 70%ı bala häm xatın-qız ide” diyelä belderüdä. İzrailneñ älegä qadär 120 meñ toraqnı êçendä yäşäwçelärneñ östenä işüe assızıqlana.
Belderüdä xastaxanägä höcümneñ AQŞ birgän häm İzraildän başqası iyä bulmağan qoral köçe yärdäme belän tormışqa aşırıluı citkerelä. “Xamas” BMO häm dön’yadağı barlıq illärne İzrail armiyäse êşlägän bu cinayät’ne ğayeplärgä häm İzrail idaräseneñ qararları belän yasaluçı höcümnärne tuqtatırğa çaqırdı.
