Ğazzädä küpme keşe ülde?

Fälästinneñ Sälamätlek saqlaw ministrlığınnan yasalğan yazmaça açıqlawda İzrail höcümnärendä 1354 keşeneñ ülüe, 6049 keşeneñ yaralanuı urın ala.

Ğazzädäge Sälamätlek saqlaw ministrı wäkile Yosıf Eburriş beldergänçä wafat buluçılar häm yaralanuçılarnıñ kübese -balalar, xatın-qız häm olı yäş’tägelär.

İzrailneñ Sälamätlek saqlaw ministrı Moşe Arbel isä skandal açıqlaw yasap, İzrailgä höcüm oyıştırğan waqıtta yaralanğan kileş qulğa töşerelgän fälästinlelärne däwalamayaçaqların citkerde.

“Yedioth Aharonoth” gazetı xäbärenä kürä sälamätlek saqlaw ministrı kiçä prem’yer-ministr Binyamin Netan’yaxuğa yazğan xatında höcümnärdä yaralanğan Xamaslılarnı däwlät xastaxanälärendä däwalawnı tuqtatırğa boyıruın açıqladı.

Xatında: “Sälamätlek saqlaw sisteması bu awır waqıtlarda İzrail ğaskärilären däwalawğa häm kiläçäk yaralanuçılar öçen äzer bulırğa tiyeş” digän ministr Xamaslılarnı däwalamayaçağın citkerde.

İzrailneñ däwlät televideniyese “KAN” beldergänçä Xamasnıñ qorallı qanatı İzeddin el-Kassam xärbi brigadaları blokada astındağı Ğazzädän İzrailğa başlatqan “Aqsa tufanı” höcümendä ülüçelär sanı 1300gä yaqınaydı.

Däwlät televideniyese höcümnärdä yaralanğan İzraille sanın da 3300 itep açıqladı. Alardan 350ese – awır xäldä.

İzrail armiyasennän yasalğan açıqlawda da 7 oktäbr’dän bügengä qadär üterelgän ğaskäri sanınıñ 220gä citüe belderelde.