Awrupa illäre Fälästin yaqlı çaralarnı tıya

İzrail belän Fälästin törkemnäre arasındağı bäreleşlär däwam itkändä İzrail yaqlı çaralarğa çikläw quymawçı Awrupa illäre Fälästingä teläktäşlek çaraların tıya.

Franŝiya häm Germaniyadä cämäğat’çelek tärtibe häm qurqınıçsızlığına yanawı nigeznamäse belän Fälästinne xuplaw çaralarına röxsät birelmäyäçäge citkerelde.

Niderlandta isä Xamas yaqlı çaralarğa qatışaçaqların açıqladılar.

Niderlandnıñ waqıtlıça xökümät başlığı Mark Rutte fälästinlelärneñ Niderlandta çara oyıştıru xaqınıñ buluın läkin antisemitik häm Xamas yaqlı süzlärneñ qabul itelmäslek buluın belderde.

Angliyaneñ êçke êşlär ministrı Suella Braverman da ildä qayber oçraqlarda Fälästin bayrağı kütärüneñ legal’ bulmayaçağın citkerde.

Braverman agressiv räweştä Fälästin gimnnarın cırlap, simvolların kütärüneñ yäisä yähüdlär küp yäşägän mäxällädä konvoy barlıqqa kiterüneñ dä bu qısağa kerä alaçağın belderde.

İzrail yaqlı çaralarğa bernindi çikläw kertelmäde, xökümät räsmi zatları bu çaralarda üzläre ük qatnaşıp, xuplaw kürsätä.

Awrupada Fälästinne xuplawçı ictimağıy häm keşe xoquqların yaqlawçı oyışmalar isä xökümätlärneñ tıyu qararların “süz iregenä citdi höcüm” itep taswirlıy.