"Ğazzäne tulısınça qamap aluğa bik borçılam"

 Katolik din ähele Papa Franśisk tınıç xalıqtan küp sanda keşeneñ ğomere özelgän Ğazzäneñ tulısınça qamap alınuına bik borçıluın citkerde.

Vatikanda çärşämbe könnärendä uzğan ğomum şura utırışında çığış yasağan Papa İzrail häm Fälästindäge waqıyğalarnı bik qayğırıp küzätep baruın äytte.

Ul totıqlarnı tiz arada azat itüne sorap bolay dide: “Höcümgä duçar bulğan härkemneñ üzen yaqlarğa xoquqı bar, läkin min Fälästin xalqı yäşägän häm küp ğayepsez keşe ülgän Ğazzäne tulısınça qamap aluğa bik borçılam. Terrorçılıq häm êkstremizm İzrail belän Fälästin arasındağı nizağnı çişärgä bulışmıy, näfrätne, köç qullanunı, üç alunı köçäytä häm ikesenä dä ğazap çikterüdän başqa bernärsägä dä yaramıy”.

Katoliklarnıñ ruxi liderı Yaqın Könçığışqa suğış tügel, ä tınıçlıq, ğadellek häm dialog kiräklegen assızıqladı.