Franśiyädä êş taşlaw çarası
İldä qayber aêroportlar oçışlarnı ğamäldän çığarırğa mäcbür
2048870
Franśiyäneñ ikençe zur aêroportı “Parij Orli”da 12nçe-14nçe oktyabr’dä xezmätkärlärneñ êş taşlawı säbäple qayber oçışlar bulmayaçaq. Grajdanlı aviaśiya ğomum idaräse älege aêroporttan säfärlärneñ 40%ın ğamäldän çığarunı soradı.
Êş taşlaw başqa aêroportlarğa da qağıla. Şul säbäple, Parijnıñ “Bove” aêroportındağı säfärlärneñ 15%ın, “Marsel’ Provans”tağılarnıñ 20%ın ğamäldän çığaru küzdä totıla.
Aêroport xezmätklärläre tüläwdäge tigezsezleklär, pensiyä reforması häm êş şartları şikelle mäs’älälärdä rizasızlıq belderep protest çarası ütkärä.