Nigerda qanlı waqıyğalar
Terrorçılıqqa qarşı operaśiyädän qaytuçı armiyä berämlekläre höcümgä duçar bula
Nigernıñ Mali çigendä oyıştırılğan terrorçı höcümendä 29 ğaskärineñ ğomere özelde. İlneñ saqlanu ministrlığınnan belderülärençä, tön’yaq-könbatıştağı Tabatol rayonında uzğan terrorçılıqqa qarşı operaśiyädän qaytuçı armiyä berämlekläre höcümgä duçar bula. Anda, berençel mäğ’lümatlarğa qarağanda, 29 ğaskärineñ ğomere özelä, 2se awır yaralana. Bik küp terrorçını täêsirsez xälgä kiterälär.
İldä hälaq bulğan ğaskärilär öçen 3 könlek matäm iğ’lan itelä.
Waqıyğa 26nçı iyül’dä xärbilärneñ idaräne üz qulına aluınnan soñ bulğan iñ qanlı höcüm.
Avgustta da “3 il çige” bularaq bilgele Niger, Mali häm Burkino-Faso urtaqlaşqan çik sızığına yaqın Tillaberi töbägendäge terrorçı höcümendä 17 ğaskärineñ ğomere özelde. Anda Äl-Kaida häm DEAŞ belän bäyle törkemnär bik yış höcümnär oyıştıra.
