NATO Litvağa küzläw oçqıçları cibärä
Alar Rusiyäneñ xärbi aktivlığın küzätäçäk
2044755
NATO illäreneñ çiklärendäge Rusiyä xärbi êşçänleklären küzätü öçen Litvağa maxsus oçqıçlar cibäreläçäk. İttifaqtan bu xaqta yasalğan belderüdä bolay diyelä: “AVAKS küzläw oçqıçları yözlärçä çaqrım yıraqlıqtağı oçqıç häm raketalarnı açıqlap NATO öçen ähämiyätle irtä kisätü mömkinlege barlıqqa kiterä”.
Oçqıçlar kiläse könnärdä ittifaq territoriyäsendä oçışların başlayaçaq. Missiyäneñ berniçä atna däwam itäçäge planlaştırıla.
AVAKSlar Germaniyäneñ Gaylenkirçen şähärendäge NATO flotına qarıy. Ul 14 küzläq oçqıçınnan ğıybarät.
Oçqıçlar belän bergä Litvağa 150 xärbi xezmätkär dä cibärelä.
