Awrupanıñ iñ zur dinozavrı

Awrupadağı iñ zur dinozavr skeletlarınıñ berse İspaniyäneñ Valensiyä töbägendä tabıldı.

İspan paleontolog Xose Migel’ Gasulla matbuğatqa beldergänçä, skelet Êls-Ports-de-Morel’ya rayonında çığa. Zur söyäklär töbäkkä xas sazlıqlar häm zur abağa yafraqları astında 100 million yıldan artıq bik yaxşı räweştä saqlanğan.

Gasulla monnan 145 million yıl êlek başlanıp 66 yıl êlek tögällängän sanaluçı aqbur däwerenä qarawçı dinozavr törläreneñ bu töbäktä buluın belülären citkerde. Axırğı tabılğanı Awrupada çıqqan iñ zurlarınnan berse. Ul Sauropoda dip ataluçı törgä qarıy. Skeletnıñ umırtqası 1 metrdan kiñräk, ä bot söyäge 2 metr biyeklektä.  

Töbäktä barlığı 4 dinozavr skeletı tabılğan häm alarnıñ öçese yaña törgä qarıy.

“Bu cirlek İspaniyädäge dinozavr qaldıqların tikşerü nisbätennän bik ähämiyätle. Monnan tış, Awrupanıñ aqbur däwerenä qarawçı iñ yaxşı alannarınıñ berse häm dinozavrlarnıñ törlelegen kiñäytüçe urın. Monda yaxşı xäbärlär alırğa iyäländek inde. Xalıqara fänni cämğıyät’ öçen dä bu zur waqıyğa,”-dip söyli paleontolog Xose Migel’ Gasulla.