AQŞta xökümätneñ yabıluı buldırmıy qalındı
2023nçe finans yılı tögällänügä 1 säğat’tän azraq waqıt qalğanda byudjet ölgese imzalandı
Amerika Quşma Ştatlarında xökümätneñ yabıluına yul quymayaçaq waqıtlıça byudjet ölgese raslandı. İlbaşı Djo Bayden dokumentnı imzaladı.
Anıñ 2023nçe finans yılı tögällänügä 1 säğat’tän azraq waqıt qalğanda federal’ xökümätkä 45 könlek finanslaw täêmin itüçe ölgegä qul quyuı xökümätneñ yabıluın buldırmıy qaldı.
Dokument cömhüriyätçelär xakimiyätendäge Wäkillär palatasında 91 qarşı, 335 uñay tawış belän qabul itelä, demokratlar küpçelektäge Senattan 9 qarşı, 88 uñay tawış belän ütä.
Älege ölge 17nçe noyabr’gä qadär federal’ xökümätkä tüläw täêmin itä häm şunıñ belän Kongressqa 2024nçe finans yılı byudjetın raslaw öçen waqıt birä.
Waqıtlıça byudjet, qayber cömhüriyätçelärneñ qarşı kilüe näticäsendä, Ukrainağa yärdämne üz êçenä almıy.
Bayden AQŞnıñ Ukrainağa yärdämeneñ tuqtatıluına bernindi şartlarda da yul quymayaçaqların belderde.
