Angliyada ber tapqır qullanıluçı plastik êşlänmälär tıyıldı
Bu xaqtağı tözätmä bügen ğamälgä kerde
Angliyä xökümäte tirä-yün’ moxitneñ pıçranuın kimetü maqsatınnan ber tapqır qullanıluçı plastik êşlänmälärne tıya.
Plastik çäneçke, qaşıq, tälinkä şikelle äyberlär belän bäyle kürsätmä bügen ğamälgä kerä. Tik ul supermarketlar häm paket servislar qullana torğan plastik êşlänmälärne üz êçenä almıy.
Tıyılğan tovarlar belän alğa taba da täêmin itüçelär ştrafqa yäisä cirle idarälärneñ tikşerüenä tartılaçaq.
Angliyädä här yıl yaqınça 1,1 milliard ber tapqır qullanıla torğan plastik tälinkä häm 4,25 milliard çäneşke-qaşıq cıyılması qullanıluı, bolarnıñ barı 10%ınıñ qabat êşkärtelüe açıqlana.
Awrupa Berlege dä plastik çüp külämen kimetü öçen soñğı yıllarda tözätmälär kertte. 2021nçe yılda ber tapqır qullanıla torğan tälinkä, çäneçke, stakan häm köpşälär tıyıldı.
